خشم بيــــــوت

نفس العيون الحبتك.. بقت الغريبة بتنكرك

و إتغابت العرفة الزمان..بي نظرة ما بتعبرك

نفس العيون الحبتك.. و الكنت ليها زمان قريب

الدنيا لفت و خانتك.. والليلة بتحب زول غريب

و النظرة ذاتا إتغيرت..و الله ظلم الريد عجيب

و الضحكة ياها و بسمتا.. حركات عيونا مع الكلام

رفع الحواجب من بعيد.. قبل الأيادي تقول سلام

الليلة حبت زول جديد... و الله ظلم الريد حرام

نفس العيون الحبتك.. يا قلبي خليها التفوت

باكر بتنساها و تعيش .. و الذكرى جواك بتموت

خليها في ريدا الجديد.. و الريدة ذاتا خشم بيوت