مرجـــــــوع

نص الوطن مشتاق.. للمطرة نصوا التاني.

. جمر الفراق حراق..توب الحنين غتاني

..حت الشجر أوراق..حتى الزمان حتاني.

.من نخبة العشاق..شالني الشعور ختاني

..في جوطة الأخلاق.. ضيع علي سوداني

..وسع الحلم ما ضاق..ترجع علي أحضاني

..دمع العيون دفاق .. و ماسك علي لساني

تاوقت بالرقراق..شايف أخوي ناداني..

الفرقة ما بتنطاق..ياكا القريب الداني

..شوف الزمن فرتاق..من روحي وين وداني..

ود البلد ما عاق.. إلا المرض عاداني..

خلاني خالي رفاق..جيش الفهم عاداني.

قالوا البحر سراق..موج الظروف رداني

..من ما بدأ الإشراق.. مرق التعب هدّاني

و دخلت لي في زقاق..و لعنت لي شيطاني..

يا مقسم الأرزاق..وحِّد علي أوطاني..

طين الجروف دفاق..بحر الحروف فطّاني.

.مرجوع عليك قسم..مهدودة يا حيطاني