اشاعـــــــــه

قالو علي حبيت و قعدت معاها ساعات.

.و أنا رديت عليهم دي مجرد إشاعات



. قالو علي وقعت..و زمان ما كنت ناوي.

.و حبيت في النهاية.. ورضيان بالبلاوي.

.و عارف الريد بيعذب .. بيجرح و ما بداوي

.وقالوا بقيت بساهر..و بدوا يحكوا الحكاوي


يعني عشان لقيتا..زي الصيد عيونا

و زي البان قواما.. و زي الدر سنونا

و عجبتني الرزانة .. ولون المنقة لونا

و حكيت للناس عليها..رب الناس يصونا


قالوا علي كلام.. و خايف يكون حقيقة

خايف أكون بريدها..و ما عارف الطريقة

صح ليها بشتاق .. و في جواي حريقة

لكن برضو خايف ..أكون في يوم عشيقا


يا قلبي ما تصدق.. دي مجرد إشاعة

و تبدا تدق بسرعة.. و تسرح كل ساعة

ديل الناس بيقولوا.. و يسوقوا في البضاعة

عيش يا قلبي و أنسى .. بالرضا و القناعة