غلطي الوحيد

راجــع تفتش لي هــــواي
قايلني لســـه بين إيديــــك
انا عايشه من غيرك هناي
الدنيا ما وقفـــت عليــــــك

مكسـور جناح الريد معــاك
مــا بفيدنــــي إنك تعتــــذر
كسر القلــــوب زي القـــزاز
معروف محال ما بنجبــــــر

ما تبكي هسي على الغـرام
ياهمي فوت من غير كــــلام
الريــــده ما قوه وجفــــا
الريــــده دايره البعرفــــا
ويفهم معاني الإحتــــرام ...!!!

القسوه ما طبـــع المحــــب
لكن جفــاك قــوه القلــــب
بقى يكره إنو يشوف عينيك
بس لي سواك قادر يحــــب

أرجـع على الـدرب البجيــــب
قبــال تهــــب فيهو الريــــاح
تمسح خطـاك وتعيش نواح
زي حــال صغير من أمــو راح

أعذرني ياغلطي الوحيــــد
الليله ظنك فيني خــــاب
ريدك جــــواي
قلمو إنكســــر ..
نيلو إنحســــر ..
أصبح ســــراب .......

كم مره حذرتــــك قبيـــل ؟
كرامتي اوعى تهزهــــا
زي مازمان عزيت هــواك
الليلــــه نفســي بعزهــــا .