واحات الشعر السودانيه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

واحات الشعر السودانيه

ننثر هنا ابداعات الشعر السوداني الحديث والقديم والغنائي وغير الغنائي فقط زورنا وستجد مايخطر على بالك من اشعار سودانيه راقيه
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 ياعم اقيف ياعم

اذهب الى الأسفل 
كاتب الموضوعرسالة
Admin
Admin



المساهمات : 254
تاريخ التسجيل : 09/05/2012

ياعم اقيف ياعم Empty
مُساهمةموضوع: ياعم اقيف ياعم   ياعم اقيف ياعم I_icon_minitimeالثلاثاء مايو 15, 2012 1:28 pm

يا عم اقيف ياعم
نضال حسن الحاج

يا عم .. أقيف يا عم
أديــني قــطرة دم ..
بي كم تكون الروح ولا العمــر بي كم ..؟
هــّد المرض أعضاي .. ستــّف دواخلي الهم
وانا في ضرا الأموات .. تنقــذنـي قطرة دم
يا خالة نقطة دم ..

تاوقـت بالشـباك .. رد الحزن حزنان
مالك تتاوق بي .. وانا منكسر حيران
شوف نجوى تبكي هديك .. دار تجري للدكان
علي قال بدور يقرا .. وبكى من امس للآن
يا عمو قطرة دم ..

نجوى الغنا الما انقال في حفلة لا اتغنى
نجوى انتظار للشوق في خنجر انســـّن
نجوى امتداد أحلام لو بكرة تتهنى ..
والكانيولات تنشال شان ننقش الحنة
ويا عمو نقطة دم ..

واهو عمو ما حن
ويا عمو غني معاي لي شفع الجنة
و اهو عمو ساكت ساي .. نصح البكا وجن
وترا عمو لا خلاك.. لا بيك صدح غنّى
لا قال صباح الخير .. يا نجوى لا صــّن
وبدا سكة الزوار... من تاني ما تنــّى
ويا عمو قطرة دم

واهي نجوى يا مسكين .. وهي حية شبعت موت
اتخيل احساس أم .. رغم الحشا المنكوت
قدر الكلام الجا .. واتحدى ألف سكوت
تدعي في الصلوات .. يا ربي نجوى تموت
ياا الله نجوى تموت .. بدل العذاب والهم
يا الله قطرة دم .

واهي نجوى شبعت موت.. وكلاها مهرودة
وام نجوى تبكي الدم .. بالحسرة موعودة
هسع بدل أبكيهو .. ونجوى مفقودة
انا كنت لو بعلم .. بنزف دموع الدم
أنا كان بكيتو زمان .. يوم نجوى موجودة
ومحتاجة نقطة دم ..
يا خالة قطرة دم

وعلى امتداد مشوار.. لي نجوى والتانين
على يا صحاب شافع .. عارف فروض الدين
كان حافظ القرآن ..من عمرو ست سنين
واسع برا الأهات غالبو النطق حولين
يا ربو قطرة دم ..

حولين اكان عطشان .. بسقوهو بي أنبوب
حولين عصيرو دوا .. وسكر سفوفتو حبوب
حولين ولا سكلب . . لا سمعنا كورك ووب
لا تلب الحيشان .. لا لاعب المحبوب
يا عمو نقطة دم ..

علي كان طموحو كتاب .. كراس وسبورة
وأنا داير أكون دكتور .. شان أختي دكتورة
لا داير أكون مشهور .. لا شاشة لا صورة
بس أنحر السرطان شان روحي منحورة
ومحتاج شوية دم ...

كل البتلقا هناك .. داير يكون دكتور
شايف امنياتو سراب ..إلا العشم منصور
صارع خروج الروح .. نط الخطر والسور
واسع هداك راضي .. وشايل الأسى ومسرور
بشحد شوية دم ..

وانا غايتو شفت الناس الدايرة لقمة عيش
بتصارع الايام .. وتجيبا من ما فيش
شفت الطيور بتعيش .. لو كان معطنا الريش
لكن علي المسكين .. يا ربي ممكن يعيش
وهو راجي قطرة دم ..
الرجوع الى أعلى الصفحة اذهب الى الأسفل
https://poet.sudanforums.net
 
ياعم اقيف ياعم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
واحات الشعر السودانيه :: منتدى شاعرات بلادي :: نضال حسن الحاج-
انتقل الى: