وجه القمر سافر

ﻭﺟﻪ ﺍﻟﻘﻤﺮ ﺳﺎﻓِﺮ

ﻭﺟﻪ ﺍﻟﻘﻤﺮ ﺳﺎﻓِﺮ ﻳﻀﻮﻯ
ﺷﻌﺎﻉ ﻭﻧﻮﺭ ﻭﺍﻓﺮ

ﻳﺎ ﺑﺪﺭ ﺳﺎﺀﻟﻚ ﺟﺎﻭﺏ ﻟﻴﺶ
ﺃﺧﻮﻙ ﻧﺎﻓﺮ

ﻣﻦ ﺣﻴﻮ ﺍﻟﺴﺒﺎﻉ ﺗﻨﺘﺮ ﻭﻣﻦ
ﺭﻣﺸﻮ ﺍﻟﺴﻬﻢ ﻃﺎﻓﺮ

ﺭﻳﻢ ﻳﺴﺤﺒﻠﻰ ﺳﻴﻒ لحظو ﻭﺁﺧﺮ ﺑﺎﻟﺴﻼﺡ ﻏﺎﻓﺮ

ﻳﺎﺩﻣﻊ ﺍﺩﻓﻖ ﻭﺩﻉ ﻳﺎ ﻗﻠﺐ ﺳﺎﻓﺮ
ﺷﻮﻗﻲ ﻟﻲ ﺿﺎﻣﺮ

ﻫﻞ ﺑﻰ ﻧﻈﺮﺗﻚ ﺍﻇﻔﺮ ﻳﺎ ﻣﻦ
ﺑﻰ ﺍﻟﻘﻠﻮﺏ ﻇﺎﻓﺮ

ﻛﺎﺣﻞ ﻃﺮﻓﻚ ﺍﻟﻨﺎﻋﺲ ﻭﺍﻟﺠﻴﺪ
ﺑﺎﻻﺳﻴﺲ ﻏﺎﻣﺮ

ﻣﺠﺪﻭﻻﺕ ﺍﺩﻳﻚ ﺻﺪﺭﻙ ﺭﺟﺢ
ﻃﺒﻖ ﺍﻟﻀﺎﻣﺮ

ﺯﻳﺪﻧﻰ ﻣﻦ ﺗﻴﻬﻚ ﻃﺎﺋﻊ ﻟﻴﻚ ﻳﺎ
ﺁﻣﺮ
ﺯﻫﺮﺓ ﺍﻟﺴﺎﻣﺮ

ﺭﻓﻘﺎ ﺑﻤﺠﻨﻮﻧﻚ ﻳﺎ ﻟﻴﻠﺔ ﺑﻨﻰ
ﻋﺎﻣﺮ

ﺍﻋﻠﻢ ﻟﻮﻻ ﻣﺎ ﻃﺮﻓﻚ ﻟﻠﺒﻴﺾ
ﺍﻟﺮﻗﺎﻕ ﺷﺎﻫﺮ

ﺇﻧﺴﺎﻥ ﻋﻴﻨﻲ ﻛﺎﺩ ﻳﻐﺮﻕ ﻓﻲ
ﻣﺎﺀ ﺧﺪﻙ ﺍﻟﺰﺍﻫﺮ

ﻭﻧﻮﺭﻙ ﻳﺘﻮﻗﺪ ﻟﻲ ﻋﻴﻮﻥ
ﺍﻟﺨﻠﻮﻕ ﺟﺎﻫﺮ
ﻇﻠﻤﻲ ﺷﺊ ﻇﺎﻫﺮ

ﻭﺇﺷﺮﺍﻕ ﺍﻟﻔﺠﺮ ﻳﺸﻬﺪ ﻋﻠﻰ
ﻃﺮﻓﻲ ﺍﻟﻌﻠﻴﻞ ﺳﺎﻫﺮ

ﻓﻲ ﺩﻭﻟﺔ ﺻﺒﺎﻙ ﺗﺎﻳﻪ ﻳﺎ ﺍﻟﻔﻰ
ﻋﺸﻘﻲ ﻣﺎﻙ ﻓﺎﻛﺮ

ﺃﺻﺒﺢ ﻣﺴﻜﻨﻚ ﻗﻠﺒﻲ ﺍﻟﻔﻰ ﻛﻞ
ﺛﺎﻧﻴﻪ ﻟﻴﻚ ﺫﺍﻛﺮ

ﻟﻮ ﺭﺃﻳﺖ ﻣﺤﻴﻚ ﻳﺎ ﺍﻟﺒﻰ ﻧﻈﺮﺗﻚ
ﻣﺎﻛﺮ
ﻟﻴﻚ ﺃﻛﻮﻥ ﺷﺎﻛﺮ

ﻭﺃﻡ ﺍﻷﻓﻖ ﺑﻴﻚ ﺗﻘﻨﻊ ﻻ ﺗﻮﻟﺪ
ﺷﻤﺲ ﺑﺎﻛﺮ

ﺗﻨﻈﺮ ﺑﺎﻧﻪ ﺗﺘﻤﺎﻳﻞ ﻓﻲ ﺛﻴﺎﺏ ﻟﻮ
ﻗﺪﻡ ﺧﺎﺗﺮ

ﻭﺗﻨﻈﺮ ﻛﻴﻒ ﺻﺪﻳﺮ ﻳﻘﻠﻊ
ﺗﻔﺎﺣﻮ ﻭﺭﺩﻑ ﻧﺎﺗﺮ

ﻭﺑﻴﻦ ﻧﺎﻋﺴﺎﺗﻮ ﻳﻀﻮﻯ ﺍﻟﺼﺎﺭﻡ
ﺍﻟﺒﺎﺗﺮ
ﺍﻟﻠﺤﺎﻅ ﻓﺎﺗﺮ

ﻻﻣﻌﻪ ﺳﻴﻮﻓﻮ ﺗﺘﺒﺎﺭﻕ ﻣﻦ
ﻛﺴﺮﺍﺗﻮ ﻳﺎ ﺳﺎﺗﺮ

ﻋﺎﺷﻖ ﻣﺤﻴﻚ ﺍﻟﻀﺎﻭﻯ
ﻭﻋﺎﺷﻖ ﺣﺴﻨﻚ ﺍﻟﻨﺎﺩﺭ

ﺗﻘﺒﻞ ﻟﺤﻈﻚ ﻳﻤﺮﺿﻨﻲ ﻭﺍﻧﺖ
ﻋﻠﻰ ﺷﻔﺎﻯ ﻗﺎﺩﺭ

ﻓﻲ ﻫﻮﺍﻙ ﻗﺎﺑﻞ ﺗﻨﻔﻴﺬ ﺃﻣﺮﻙ
ﺍﻟﺼﺎﺩﺭ
ﻟﻲ ﻟﻴﻪ ﻏﺎﺩﺭ

ﺣﻠﻤﻚ ﺟﻮﺩ ﻭﺃﺗﻌﻄﻒ ﺳﺎﺭﻉ
ﺑﻰ ﻟﻘﺎﻱ ﺑﺎﺩﺭ

ﻭﺣﻴﺎﺕ ﻃﺮﻓﻚ ﺍﻟﻨﺎﻋﺲ
ﻭﺣﻴﺎﺕ ﺣﺎﺟﺒﻚ ﺍﻟﺪﺍﻳﺮ

ﻭﺣﻴﺎﺕ ﺧﺪﻙ ﺍﻟﻤﺠﻠﻰ
ﻭﻣﻨﻈﻮﻡ ﺛﻐﺮﻙ ﺍﻟﻨﺎﻳﺮ

ﺑﻰ ﻟﻘﺎﻙ ﺗﺴﻤﺢ ﻟﻮ ﻛﺎﻥ ﻓﻲ
ﺍﻟﻤﻨﺎﻡ ﺯﺍﻳﺮ
ﻓﻜﺮﻯ ﻓﻴﻚ ﺣﺎﻳﺮ

ﻛﻞ ﺳﺎﻋﺔ ﺟﻴﺶ ﺣﺒﻚ ﻳﻬﺠﻢ
ﻓﻲ ﺍﻟﺼﺪﺭ ﻏﺎﻳﺮ