وافرح لما اجيك حزنان

افرح لما اجيك حزنان
كلمات / مدني النخلي
==========
وافرح لما اجيك حزنان في جواك ببحث عني
وانسى الالم السورني برضي بغالط فيك ظني

من اسوارك طالة تعاين فرح اتحدى مدى الاحزان
طفل الامل اللسا البتاتي كايس لخطواتو مكان
وفي جواك ببحث عني
وافرح لما اجيك حزنان وانسى الالم السورني

شاردة ملامحك مني ظلال والكلمات مشحونة شجن
وانت الساكنة دواخلي طيوف بحلم بيك ملاذ وطن
وافرح لما اجيك حزنان وانسى الالم السورني

اصائل وعدك مسرى خطاي وبداء الرحلة على الاشراق
سرب غمامك غطى سماي وهج الصدق ندى الاعماق
وقفتا اخاصم فيك حزني وافتش فيك عن ايه معناي
رجعتا اصالح بيك نفسي واقالد فيك الزمن الجاي

وافرح لما اجيك حزنان وانسى الالم السورني