مين سهران معايا

مين سهران معايا .. و بحسب في النجوم

..بعد أحلامو ضاعت .. بيحصد في الهموم.

...مين. ..غيرك يا قلبي..و غايتو على العموم.

..ماف في الدنيا غيرنا......ما قادر ينوم


مين سهران معانا..يا قلبي الحزين.

.نقاسم الليل شجونو ..و نسرح بالأنين.

.و كلما تفيض شجونا..ننزل دمعتين

..مين سهران معانا .. و مسكون بالحنين

يكون مقسوم علينا.. الشقى و العذاب.

.و حرمان يوم نغني..و نفرح بالشباب

..غريبة الهم بجينا .. من الناس القراب.

. نقضّي الليل حيارى..و قمر الريدة غاب


مشتاق للمحنة .. و للريد و الغرااااام..

حرام ريد المظنة..حرام يا ناس حرام.

.مشتاق يوم أشوفو .. يديني السلام..

و قبل أرد عليهو..عيوني تقول كلام


مين سهران معانا .. و بشتاق للحبيب..

بعيد منو البريدو.. ..و حزنو معاو قريب..

مين عيان معانا ..و مين داير طبيب.

.عيوني قبل تشوفو.. محال في يوم تطيب